Portieri Tomas Strakosha, tashmë është kthyer në një shqetësim të madh te Lacio.
Prej 22 ditësh ai rezulton pozitiv dhe gjatë kësaj periudhe ka qenë disa herë në stërvitje, por edhe në stol gjatë ndeshjeve, diçka që Lacios mund t’i hapë probleme të mëdha, sidomos me nisjen e hetimeve për këtë klub, për verifikimin e tamponëve.
Strakosha u zhduk nga stërvitja e Lacios më datë 24 tetor, ndërsa klubi u mundua të fshihte faktin që ai kishte simptoma, duke e dërguar menjëherë në shtëpi futbollistin.
Pikërisht duke parë situatën e krijuar, prokuroria ka nisur një hetim të gjerë te Lacio. Situatë kaotike e krijuar te klubi kryeqytetas, që tashmë rrezikon shumë, pasi dyshohet për falsifikim të tamponëve.
