Gjykata Themelore në Prishtinë ka caktuar 30 ditë paraburgim për Ikballe Berisha Hudutin.
Ikballja u arrestua pak ditë më parë për shkak të disa postimeve të saj në rrjetet sociale, ku kritikonte krerët e shtetit për mbështetjen e dhënë SHBA-së. Në postimet e saj ajo shkruante edhe për hakmarrje ndaj Trump për shkak të vrasje së gjeneralit iranian, Qasem Soleimanit.
Në një komunikatë dërguar mediave, Gjykata ka sqaruar se janë analizuar të gjitha arsyet mbi shkaqet e caktimit të paraburgimit.
“Gjykata ka analizuar të gjitha arsyet mbi shkaqet e caktimit të paraburgimit dhe ka aprovuar propozimin e prokurorit për caktimin e parabugimit. Gjykata konsideron se janë plotësuar kushtet ligjore të parapara nga neni 187 par. 1 nënpar.1.1, neni 187 par. 1 nën par. 1.1 e 1.2 pika 1.2.1, neni 187 paragrafi 1 nën paragrafi 1.1 e 1.2 pika 1.2.2 si dhe neni 187 par.1 nën par. 1.1 e 1.2 pika 1.2.3.
Ekziston dyshimi i bazuar se e pandehura I.H ka kryer veprën penale për të cilën dyshohet, ku dëshmohet postimi i të pandehurës në rrjetin social Facebook, e me të cilat postime është bërë shtytje në kryerjen e veprave terroriste. Po ashtu Gjykata ka konsideruar se ekziston frika e bazuar se po që se e pandehura do të mbrohet në liri mund ti qaset arratisë për ti ikur përgjegjësisë penale para së cilës ndodhet, ku në këtë mënyrë do ta pengoj rrjedhën normale të procedurës”, theksohet në komunikatë. Ikballe Huduti – Berisha është arrestuar pasditen e 7 janarit, pasi kishte dalë kundër vrasjes së gjeneralit Iranian Qasem Soleimanit, derisa, e njëjta kritikoi edhe liderët e shtetit që përkrahën sulmin e SHBA-së”, thuhet në komunikatë.
