Thirrja e Presidentit Erdogan “Mos i jepni votën armiqve të Turqisë”, vuri në lëvizje emigrantët Turq në Gjermani. Kurse Merkel dhe partnerët e saj po përpiqen të bindin 1 milion e 250 mijë zgjedhësit Turq me deklarata të njëpasnjëshme. Partia Social Demokrate (SPD) e cila prej vitesh ka marr shumicën e votave të zgjedhësve Turq, ishte adresa e parë që ngriti zërin në lidhje me këtë çështje. Ministri i Jashtëm SPD-ist Sigmar Gabriel me deklaratën “ndërhyrja e Erdoganit në fushatën zgjedhore po krijon idenë e një përpjekje e cila mund të krijoj përplasjen e popullit Gjerman me njëri-tjetrit”, tregon frikën e humbjes së votave si dhe një lloj shmangie prej thelbit të debatit mes dy vendeve.
SCHULZ E PRANOI
Schulz në adresën e tij në tweeter kundërshtoi politikat e Erdoganit dhe thuajse pranoi se Gjermania ka mbështetur persona dhe organizata kundër Turqisë. “Do të gjendemi edhe më pranë atyre të cilëve luftojnë për një Turqi demokratike dhe të lirë”, shkruan lideri i SPD, Martin Schulz.
MERKEL E SHQETËSUAR
Merkel nuk e fsheh shqetësimin e saj kur thotë: “Të gjithë bashkëvendësit Gjerman duke përfshirë edhe ata me origjinë Turke kanë të drejtën e zgjedhjes së lirë. Nuk do të tolerojmë asnjë ndërhyrje nga jashtë.” Kurse, partneri i vogël i koalicionit të Merkelit, Sekretari i Përgjithshëm i CSU-së Andreas Scheuer e kritikoi Turqinë por, duke sqaruar se nuk janë armiq të saj, u përpoq t’u përcjellë zgjedhësve Turq një mesazh.
INFLUENCA TURKE NË BUNDESTAG
Nga 3 milion njerëz me origjinë Turke që jetojnë në Gjermani, rreth 1 milion e 250 mijë janë zgjedhës. Turqit, që më parë kanë votuar SPD, të Gjelbrit, Partinë e Majtë dhe Partinë Bashkimi Kristian, pas nisjes së armiqësisë turke të këtyre partive dhe thirrjes së Erdoganit, u shprehën se do të votojnë partitë mike të Turqisë, Partinë Përparim dhe Drejtësi (BIG) si dhe Bashkimin Demokrat Gjerman. Kjo situatë mund të ndryshojë ekuilibrat në zgjedhjet Gjermane që dhe një votë është shumë e rëndësishme, edhe për të mbajtur pushtetin, edhe për formuar koalicion me parti të tjera. Kjo, mund të ketë efekte të mëdha në strukturën e Parlamentit Federal Gjerman (Bundestag).
NDJENJA E TË QËNURIT I FORTË
Drejtuesi i Qendrës së Kërkimeve Mediatike dhe Tregjeve Data4U me qendër në Berlin, Umut Karakas, duke vlerësuar efektin Erdogan tek zgjedhësit Gjerman me origjinë Turke thotë: “Gjermanët me origjinë Turke e ndjejnë veten si njerëz të dorës së dytë në Gjermani. Erdogan, ngaqë e njeh krenarinë kombëtare dhe lidhjen të atyre me Turqinë, u përcjellë ndjenjën e të qënurit të fortë.” Sipas të dhënave të Data4U, 64 për qind e gjermanëve me origjinë Turke në 2013 kanë votuar SPD. 12 për qind e votave kanë shkuar për Parinë e Majtë dhe të Gjelbër. Kurse partia e Merkel mundi të merrte vetëm 7 për qind të votave. Nga 11 deputet me origjinë Turke që ndodhen në Parlamentin Federal Gjerman, 5 janë të SPD, 3 të Partisë së Gjelbër, 2 të Partisë së Majtë dhe 1 e Partisë së Kancelares Angela Merkel.
