Pak çaste më parë, mediat e huaja raportuan se kulla Eiffel në Francë është evakuuar pas një kërcënimi për bombë. Policia është njoftuar për këtë alarm, pasi një person mori në telefon efektivët duke raportuar se një eksploziv ishte vendosur tek kulla.
Ndërkohë gazetari Amaury Bucco, i cili postoi foto të kordonit të policisë pranë vendit ku dyshohet të jetë vendosur bomba, shkroi përmes një postimi në Twitter se një burrë bërtiti “Allahu Akbar” dhe kërcënoi të hidhte në erë gjithçka.
“Perimetri i kullës Eiffel është i rrethuar, operacioni i policisë në vazhdim: një burrë bërtiti Allahu Akbar dhe kërcënoi të hidhte në erë gjithçka”, ka shkruar ai.
