Neelakantha Bhanu Prakash është vetëm 20 vjec, por është një gjeni përllogaritës! Ai është i njohur në Indi si llogaritësi më i shpejtë njerëzor në botë. Mund të shumëzojë, pjestojë mbledhë dhe zbresë, numra 9 shifrorë, dhe këtë e bën në shumë pak sekonda.
Sipas Librit të Rekordeve Limc, ekuivalenti i Indisë me Rekordet Botërore të Guinness, mendja e Bhanu përpunon numrat me një shpejtësi mesatare prej 12 në sekondë, rreth 10 herë më shpejt se një tru normal.
Bhanu thotë se ai është në gjendje të bëjë llogaritje kaq komplekse me shpejtësi marramendëse përmes “praktikës së strukturuar”.
“Le të themi se po bëj një shumëzim të 8,763 shumëzuar me tetë. Unë ndoshta do të shumëzoj: 8,000 me tetë që bëjnë 64,000, 700 me tetë që bëjnë 5,600, 60 me tetë 480, tre me tetë bëjnë 24. Dhe i shtoj të gjitha këto. Por kjo kërkon që truri i njeriut ti kujtojë të gjitha.
Metodat që unë përdor janë shumë të ngjashme me metodat e përgjithshme, por në thelb është optimizimi i trurit. Unë zgjedh metodat e mia”, thotë ai.
Bhanu është aziatiku i parë që fitoi medalien e arit në Kampionatin Botëror të Llogaritjes Mendore në Olimpiadën e Sporteve të Mendjes (MSO) në Londër. Ai është gjithashtu fituesi i parë jo-evropian në historinë 23-vjeçare të ngjarjes
Jeta e Bhanu ndryshoi pas një dëmtim në kokë:
Kur ishte 5 vjeç, Bhanu ra nga skuteri i kushëririt të tij dhe përplas nga një kamion. Ai theu kafkën dhe kishte nevojë për 85 qepje dhe operacione të shumëfishta, ndaj ra në gjendje kome.
Kur ai u zgjua gati shtatë ditë më vonë, mjekët u thanë prindërve të tij se Bhanu mund të dëmtohej në mënyrë konjitive për pjesën tjetër të jetës për shkak të dëmtimeve të kokës.
Vitin tjetër ai e kaloi i shtrirë në shtrat, dhe gjatë rikuperimit të tij, Bhanu mësoi se si të luante shah dhe zgjidhi enigma për të mbajtur trurin e tij të angazhuar, ai u angazhua me ushtrime të matematikës. Kështu, Bhanu u kthye në një gjeni.
