Historia e “rrëmbimit” të 30-vjeçares pak javë më parë ka marrë një tjetër rrjedhë. Autori i ngjarjes Marjus Musaku ka treguar nga burgu versionin e tij të ngjarjes. Njohja mes tyre ka nisur në plazh, e më tej ka nisur romanca.
Në një lidhje telefonike për “Shqipëria Live”, ai tregoi ekskluzivisht nga burgu të gjithë versionin e ngjarjes, sipas tij, pas rrëmbimit të 30-vjeçares Ersida Dyrmishi.
“Ndodhem në burgun e Durrësit, kemi pasur një vit e gjys lidhje, e takoheshim përditë. Jemi njohur në plazh”.
Sipas Marjus Musakut, ata kanë qenë vazhdimisht në kontakt, dhe se ishte në dijeni se ajo ishte e martuar e me dy fëmijë. Madje ata takoheshin çdo ditë, e ndërsa ajo i kishte thënë se keqtrajtohej nga burri.
“Më ka thënë që burri më keqtrajton. Ne flisnin çdo ditë. Në dy e gjys e prisja kur dilte nga puna deri në orën katër, kur shkonte merte gocat”.
Më tej ai tregoi se vazhdimisht Marsida i tregonte dashurinë dhe se bashkëshorti i saj ishte në dijeni, pasi ajo ia kishte thënë. Madje ai shkon edhe më tej se ka prova se ajo i ka dërguar mesazhe se do të ndahej nga bashkëshorti.
“Më thoshte jam e jotja deri në vdekje. Të dua, dua të rrij me ty. I ka thënë burrit që dua të ndahem nga ty se më donte. E kam me mesazhe me të gjitha, me prova”.
Ngjarja merr një tjetër drejtim, pasi Marjus Musaku tregoi se pasi zbuloi se ajo kishte një lidhje tjetër me shokun e burrit, pavarësisht se ishte e lidhur edhe me të, i ka kërkuar që të largohet.
“Ne kemi qenë tek shtëpia. Me datë 1 zbulova se kishte lidhje me shokun e burrit, njëkohësisht edhe me mua. Ajo e ka pranuar që ka lidhje. Më pas i kam thënë mere burrin në telefon dhe nuk je për mua”.
“Janë kamera, nuk është e vërtetë çfarë ka thënë. E kapa tradhtinë me shokun e burrit, prandaj ma bëri këtë. Në orën katër e gjysmë ka ndodhur dhe në 11 e gjysmë më ka ardhur policia”.
Pas gjithë kësaj që ka ndodhur, ai është ende në paraburgimin e Durrësit dhe se nuk ka pasur kontakte me të.
“Nuk kam pasur kontakte me të. E kam mbajtur në pëllëmbë të dorës. Kam të ardhura se kam jetuar në Gjermani. Më shumë ka qëndruar me mua se sa me burrin e vet. Dua t’i them që ajo të thotë të vërtetën në gjykatë. Do bëj denoncim për kallëzim të rremë”.
