Shkarkimi i sotëm i gjyqtarit Besnik Muçi nga KPA-ja e ka thelluar edhe më tej ‘ngërçin’ e krijuar në gjykatën Kushtetuese.
Prej ditësh, ambasadori Italian Cutillo hodhi idenë që për tejkalimin e momentit të kërkohej një opinion nga Komisioni i Venecias, si palë e pavarur. Qëndrimi i ambasadorit Italian ka gjetur mbështetjen edhe të Ambasadës Amerikane, të cilët sot janë shprehur në të njëjtën linjë mendimi.
‘Përplasja Vorpsi-Xhaferllari’/ Ambasadori italian tregon si duhet vepruar
Nga ana tjetër, Presidenca me deklarata të herëpashershme qoftë edhe me veprime si shpallja ‘non grata’ e Borchard e ka refuzuar këtë qëndrim. Madje, më herët sot ata janë shprehur edhe kundra ambasadës amerikane.
LAJMI I FUNDIT/ Presidenca ‘hedh poshtë’ propozimin e Ambasadës Amerikane
Në një linjë me mendimin e ambasadorëve ka qenë partia Socialiste. Me anë të një deklarate, kreu i grupit të Ps-së Taulant Balla, ka konfirmuar se do t’I kërkohet mendim Komisionit të Venecias për emërimet në GJK.
“Kemi marrë iniciativën për të zgjeruar hetimin për shkeljet kushtetuese të presidentit Meta. Do t’i drejtohemi Komisionit të Venecias për ngërçin që është krijuar për Gjykatën Kushtetuese. Kemi besim se Komisioni i Venecias do të japë opinione objektive lidhur me këtë çështje. Nuk komentojmë vendimet e KPK dhe KPA, pasi ato janë vendime të autoriteteve kushtetues. Politikanët duhet të heshtin sa herë që vettingu pastron drejtësinë nga elementët që kanë lidhje me krimin. Më mirë një Gj.Kushtetuese me 4 anëtarë, se sa gjithmonë me shejtanin brenda. Do ishte qesharake që Besnik Muçi të qëndronte ende në Gjykatën Kushtetuese. Institucionet e reja të drejtësisë duhet të kenë persona që nuk kanë asnjë lloj mangësie në pastërtinë e figurës, pasurisë. Ashtu siç kemi thënë Emërimi i Xhaferllarit është një dekret i paligjshëm për Kuvendin e Shqipërisë”, tha ai, ndërsa shtoi se Shqipëria është në rrugë të mbarë dhe shumë shpejt do t’i ketë të ngritura institucionet e drejtësisë”, tha Balla.
Gjyqtari Muçi pas shkarkimit: Kush është ai zyrtar që s’ka probleme me pasurinë
