Kryeministri britanik Boris Johnson, do të ketë një telefonatë me presidentin rus Vladimir Putin sot, teksa Londra po përpiqet t’i bëjë presion Moskës për grumbullimin e trupave të saj në kufirin me Ukrainën.
“Kryeministri pritet të flasë me presidentin Putin këtë pasdite”, u tha gazetarëve zëdhënësi i Johnson.
Kjo do të jetë një telefonatë e pakëndshme. Ajo vjen ndërsa Londra po përgatit sanksione të mundshme ndaj rrethit të brendshëm të Putinit.
Të dielën, ministrja e Jashtme Liz Truss tha se legjislacioni për të lejuar Britaninë të godasë bankat, kompanitë e energjisë dhe “oligarkët pranë Kremlinit”, do të prezantohej nga qeveria këtë javë. “Gjëja e parë që do ta ndalojë Vladimir Putinin të ndërmarrë veprime është nëse ai e kupton koston e këtij veprimi”, tha Truss për BBC.
Truss do të bëjë një deklaratë në Parlament për regjimin e sanksioneve ndaj Rusisë më vonë sot, dhe Johnson dhe Truss do të udhëtojnë në Ukrainë të martën.
Burimi i lajmit: The Guardian. Përshtatur nga Tirana Today
