Prestigjiozja “The Guardian” ka renditur Muzen Kombëtar të Fotografisë Marubi, në listën e muzeve dhe galerive më të preferuara në Europë, në artikullin me titull “U mahnita nga bukuria”. Në përshkrimin për Marubin, “The Guardian” shpjegon me detaje si lindi ideja e këtij muzeu dhe çfarë përmban ai. Artikullin në fjalë e ka shpërndarë kryeministri Rama në Facebook-un e tij.
“The Guardian me shkrimin “U mahnita nga bukuria”, rendit Muzeun Kombëtar të Fotografisë Marubi, në listën e muzeve dhe galerive më mbresëlënëse të Europës”, shkruan Rama.
Ja se çfarë shkruan “The Guardian”
Muzeu Kombëtar i Fotografisë Marubi në qytetin verior të Shkodrës është një mrekulli. Fotografi me origjinë italiane, Pietro Marubi, hapi studion e parë të fotografisë në Shqipëri, këtu në mesin e shekullit të 19-të, kur vendi ishte nën sundimin osman. Gjatë tre brezave ai, punonjësi i tij Kel dhe djali i Kelit, Gegë, dokumentuan një periudhë magjepsëse të historisë shqiptare, që nga fillimet e lëvizjes për pavarësinë e Shqipërisë, përmes luftës ballkanike dhe asaj të dytë botërore, deri në komunizmin e Enver Hoxhës. Koleksioni i fotografive të ekspozuara tregojnë bukur të gjitha sferat e jetës, revolucionarë, fermerë, politikanë, muzikantë, fe, shumëllojshmërinë e mahnitshme të veshjeve tradicionale shqiptare, etj.
Burimi i lajmit: The Guardian. Përshtatur nga Tirana Today
