Pas mbledhjes së grupit parlamentar të PD-së, kreu i kesaj force, Lulzim Basha, në një prononcim për mediat iu referua kapjes së 3.4 mln eurove në ‘Toyota Yaris”. Ai bëri përgjegjës Taulant Ballën, për të cilën tha se ishte garant.
Basha nuk la pas edhe emrin e kryebashkiakut, për të cilën tha se paratë e kapura shkojnë për kullat e Veliajt. Me tone të ashpra, kreu demokrat shigjetoi Ballën se kishte marrëveshje për hyrjen e parave.
1) Paratë janë të një prej bandave më të rrezikshme të trafikut të drogës, kryesisht në zonën e Ebasanit, por edhe në të gjihë Shqipërinë.
2) Taulant Balla kishte marrëveshje për të garantuar hyrjen e këtyre parave pa problem në Shqipëri.
3) Policia ishte nën presionin e një prej partnerëve tanë, është një nga vendet partnere skeptike për integrimin, veçanti për luftën ndaj krimit dhe korrupsionit.
“Sot ai duhet të ishte para drejtësisë. Ku do shkonin këto para? Çfarë e lidh Saimir Tahirin, Fatmir Xhafajn, Taulant Ballën dhe Erion Veliajn? Çfarë i lidh të katërt përveç Edi Ramës? Trafiku i drogës, pastrimi i parave, ndërtimi i kullave. Kjo është arsyeja pse BE, përkundër dëshirës së 99% të shqiptarëve, vendos që Shqipëria nuk i ka plotësuar kushtet”, përfundoi Basha.
