Arrestohet në flagrancë një person, ndërsa një tjetër procedohet penalisht.
Rastet janë shënuar në Tepelenë, ku këtyre shtetasve u është gjetur lëndë narkotike në banesat e tyre, në total 123 kg cannabis sattiva.
Policia ka arrestuar shtetasin Seit Bejko, 58 vjeç, i cili dispononte lëndë narkotike në banesën e tij në fshatin Dukaj, Tepelenë. Si rezultat i operacionit “VJOSA”, nga kontrolli i ushtruar në këtë banesë u gjetën disa thasë, brenda të cilëve kishte lëndë narkotike Cannabis Sattiva, pesha e së cilës rezultoi 66 kg.
Gjithashtu filloi procedimi penal në gjendje të lirë (për shkak të moshës) për shtetasin Z.B, 83 vjeç, banues në fshatin Gusmar, Tepelenë, pasi iu gjetën në një banesë, në të cilën nuk banonte aktualisht, nga shërbimet e policisë u gjetën disa thasë me lëndë të dyshuar narkotike.
Pesha totale e lëndës ishte 57 kg, e cila u sekuestrua në cilësinë e provës materiale.
Materialet në ngarkim të dy shtetasve të mësipërm i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje e lëndëve narkotike”, parashikuar nga neni 283 i Kodit Penal.
