Pak kohë më parë lajmi për ndarjen e Mozzik nga bashkëshortja e tij Loredana, bëri bujë në mediat shqiptare.
Por gjëra të reja kanë dalë në dritë sa i përket ‘ndarjes’ së tyre. Në episodin e fundit të ‘Thumb On’ nga Fatma dhe Aulona u tha se çifti i famshëm nuk janë ndarë asnjëherë. Sipas tyre e gjithë kjo ishte vetëm një sajesë për të fituar vëmendje, si e vetmja mënyrë mbijetese në treg.
“Loredana dhe Mozzik nuk janë ndarë kurrë. Ka qenë një marketing i sajuar nga dyshja sepse e kanë të vetme mënyrë mbijetese për të qëndruar në treg. Burime të sigurta pranë çiftit thonë se janë bashkë, jetojnë bashkë dhe nuk janë ndarë kurrë. E gjitha ka qenë e sajuar për të qëndruar në vëmendjen e publikut shqiptar”, u shpreh agjenti ‘00Thumb’.
Kujtojmë se ishte Loredana ajo e cila pranoi e para që ata janë ndarë, teksa e deklaroi veten si një nënë beqare.
Mozzik më pas u shpreh gjithashtu nëpër intervista të ndryshme se ishin ndarë, por se do të vazhdonte ta respektonte Loredanën si nënën e vajzës së tij.
