Presidenti i Kosovës, Hashim Thaçi, ka folur në lidhje me zhvillimet e brendshme pas zgjedhjeve vendore ne Kosovë.
Gjatë fjalës së tij në një konferencë në Berlin, Thaçi i bëri thirrje Lëvizjes Vetëvendosje që të fillojë me formimin e qeverisë së Kosovës.
Sipas Gazetës Express, ai ka premtuar se do të angazhohet për krijimin e unitetit politik në Kosovë për çështjet që ndërlidhen me dialogun me Serbinë.
“Dua të theksoj se çdo proces me Serbinë do të trajtohet në nivel të dy shteteve sovrane dhe me konsensus politik në Kosovë. Unë jam president dhe do të investoj në arritjen e konsensusit të brendshëm në Kosovë. Polarizimet nuk ndalen në sistem pluralist, por ka ardhur koha që të kemi një pako të prioriteteve në mes të pozitës dhe opozitës, që në këto çështje të mos ketë dallime”, tha ai.
Gjithashtu gjatë kësaj konference, kreu i shtetit të Kosovës kritikoi BE-në në lidhje me bllokimin procesit të liberalizimit të vizave për Kosovën. Si edhe për mos shpërblimin e Maqedonisë së Veriut dhe Shqipërisë me hapje të negociatave për integrim.
