Presidenti i Kosovës, Hashim Thaçi ka njoftuar se ditën e sotme ka zhvilluar një takim me presidentin e Francës, Emanuel Macron.
Përmes një postimi në “Facebook”, Thaçi ka bërë me dije se gjatë takimit me presidentin Macron në fokus ishte dialogu me Serbinë, forcimi i paqes në të gjithë Ballkanin Perëndimor dhe për perspektivën euroatlantike të Kosovës.
Thaçi ndër të tjera ka shkruar se presidenti Macron ka mbështetur Marrëveshjen e Paqes midis Kosovës dhe Serbisë duke thënë se kjo marrëveshje do të garantojë më shumë mundësi për zhvillim dhe për jetë më të mirë.
Postimi i plotë:
Pritja e presidentit Macron në Pallatin Elise, ku zhvilluam një takim bilateral dhe biseduam për perspektivën euroatlantike, për dialogun me Serbinë, për forcimin e paqes dhe të ardhmen e tërë Ballkanit Perëndimor.
Presidentit Macron ia konfirmova se Kosova është e vullnetshme dhe e gatshme për marrëveshje paqësore me Serbinë, e cila duhet të sjellë njohje reciproke dhe anëtarësim të Kosovës në Kombet e Bashkuara.
Marrëveshje e Paqes garanton më shumë mundësi për zhvillim dhe për jetë më të mirë, si më shumë prosperitet për të gjithë qytetarët tanë. Faleminderit për mbështetjen, president Macron!
