Jordania është destinacioni i radhës për Presidentin e Kosovës, Hashim Thaçi. Mbreti i Mbretërisë Hashemite të Jordanisë, Abdullah II bin Al-Hussein i ka bërë një ftesë zyrtare Hashim Thaçit për të vizituar vendin e tij.
“Gjatë qëndrimit në Aman, presidenti Thaçi do të zhvillojë një takim bilateral me Abdullah II bin Al-Hussein, me të cilin do të bashkëbisedojnë për mundësinë e thellimit të marrëdhënieve ndërmjet dy shteteve.
Në këtë takim përveç temave politike, do të diskutohet për mundësinë e rritjes së shkëmbimit tregtar, të bashkëpunimit në fushën e arsimit dhe kulturës. Një temë e veçantë do të jetë edhe koordinimi i dy shteteve në luftimin e terrorizmit”, njofton komunikata drejtuar mediave.
Presidenti Thaçi, po ashtu do të marrë pjesë edhe në Forumin Ekonomik Botëror për Lindje të Mesme dhe Afrikë të Veriut, që këtë vit organizohet nga Mbretëria Hashemite e Jordanisë.
