Hashim Thaçi dy ditë më parë bëri një deklaratë të fortë, ku foli për bashkimin e Kosovës me Shqipërinë në një shtet të vetëm. Këto deklarata i bëri nga Hasi i Krumës, ku mori titullin “Qytetar nderi”.
Presidenti i Kosovës i ka përforcuar më shumë këto ide teksa ishte i pranishëm në 20-vjetorin e operacionit “Shigjeta DO-2” dhe luftimeve në Pashtrik. Thaçi tha se po krijohen edhe rrethanat e reja, të cilat sipas tij, ofrojnë bashkimin e Kosovës dhe Shqipërisë si zgjidhjen më të mirë.
“E ardhmja e jonë e sigurt është në NATO dhe në Bashkimin Evropian, por po krijohen rrethana të reja që zgjidhja më e mirë do të ishte që dy parlamentet, ai i Kosovës dhe Shqipërisë, të nxirrnin deklaratat e nevojshme, të vullnetit të popullit të Kosovës dhe Shqipërisë që të jetojmë në një shtet të përbashkët, pa kufij”, tha Thaçi.
