Presidenti i Kosovës Hashim Thaçi i ka çuar një ftesë për takim kryeministrit Albin Kurti.
Ai e ka ftuar Kurtin në një takim që pritet të zhvillohet ditën e mërkurë, në orën 10:00 në Presidencë.
“Pas mocionit të mosbesimit ndaj Qeverisë do të ndërmarr hapat e përcaktuar në Kushtetutë. Në këtë drejtim, ju ftoj që të merrni pjesë në takimin konsultativ për të diskutuar hapat e mëtejshëm”, thuhet ndër të tjera në letrën në fjalë.
Thaçi ka paralajmëruar se gjatë kësaj jave do të nisë takimet me krerët e partive politike, për të diskutuar lidhur me hapat që do të merren pas mocionit për rrëzimin e Qeverisë.
