Presidenti i Kosovës, Hashim Thaçi ka dalë nga spitali, pas trajtimit që ka marrë për shkak të gurëve në veshka. Në orët e para të ditës, presidenti Thaçi kishte shkuar në Emergjencën e QKUK-së dhe me rekomandimin e personelit mjekësor, ishte drejtuar në Klinikën e Urologjisë. Aty ka bërë analizat dhe ka marrë trajtimin për dhimbjet që shkaktojnë gurët në veshka.
“Presidenti i Republikës së Kosovës shpreh mirënjohje për kujdesin e treguar nga i tërë personeli shëndetësor i Qendrës Klinike Universitare të Kosovës.
Gjendja shëndetësore e Presidentit të Republikës së Kosovës është stabile, dhe Zyra e Presidentit të Republikës së Kosovës do t’iu mbajë të informuar lidhur me trajtimin që është duke marrë presidenti Thaçi”, thuhet në njoftim.
