Aktorja Erza Ramuka, e njohur për rolin e Tringës në serialin “O sa mirë”, ka reaguar së fundmi në emisionin ‘Glamour Zone’ në RTV ORA, mbi një deklaratë që ka bërë xhiron e rrjetit.
Vetëm pak kohë më parë, ajo deklaroi se ‘Me 2.000 euro nuk jetohet në Kosovë’. Bukuroshja i mëshoi faktit se nuk është shprehur asnjëherë në këtë formë, por është shkëputur fjala e saj nga konteksti.
Cili ka qenë momenti yt më i sikletshëm televiziv?
“Ka qenë një intervistë që kam dhënë në emisionin ‘n’Kosov Show’. Unë asnjëherë nuk kam thënë me 2.000 euro nuk jetohet në Kosovë. Portalet e kanë trilluar këtë për klikime. Në Kosovë dhe në të gjithë botën, jetohet sipas mundësive, dikush me një rrogë të vogël, dikush me ndihmë sociale. Dikush me një rrogë mesatare. Nuk do të shprehesha asnjëherë në atë mënyrë”, tha ajo.
Sa i takon serialit “O sa mirë”, ajo tha se është paguar 250 euro për episod. Aktorja Erza Ramuka, zbuloi se në muaj mund të fitonte 1.000 euro bashkë me bonuset. Gjithsej ajo xhironte katër episode në muaj, pra 250 euro për një episod.
Erza zbuloi edhe dhuratën më të shtrenjtë që ka marrë, dhe është një makinë. Atë ia ka dhuruar i ati i saj. “Po kalonim në një show room makinash, dhe aty pash makinën e endrrave të mia. Isha me babain, dhe ai më tha se do të ma dhuronte për ditëlindje dhe kështu bëri”.
Po, sa kushtoi makina?
“Diku tek 80 mijë euro” (qesh).
