Sherif Kallaku e ka ngjitur edhe njëherë tjetër Teutën në vendin e tretë në klasifikim, pasi ka shënuar golin e fitores ndaj Skënderbeut.
Mesfushori 22-vjeçar realizoi në minutën e 55-të, ndërsa Skënderbeu nuk mundi të reagonte pas këtij goli, duke koleksionuar humbjen e tretë radhazi në Kategorinë Superiore.
Me këtë fitore, Teuta shkon në kuotën e 53 pikëve, një më shumë se Laçi.
Më herët këtë të hënë, Tirana u mposht 1-2 nga Kukësi, ndërsa Bylis-Partizani u mbyll në barazim 1-1, shkruan “A2”.
