Nuk ka fitues në përballjen mes Laçit dhe Teutës, me skuadrat që janë ndarë në barazim pa gola. Ky rezultat favorizon Teutën, që tashmë e shikon veten në vendin e parë me 63 pikë, po aq sa Vllaznia, që mposhti ditën e sotme Partizanin, e cila mbetet në kuotën e 62 pikëve.
Ndërkohë, Laçi zbret në vendin e katërt, me 61 pikë, një javë para fundit të kampionatit. Durrsakët tashmë kanë vënë një dorë te titulli kampion, pasi javën e fundit luajnë me Apoloninë, që ka rënë matematikisht në Kategorinë e Parë, ndërsa Laçi luan me Vllazninë.
Në ndeshjen tjetër, Skënderbeu ka arritur të sigurojë matermatikisht qëndrimin në Kategorinë Superiore, pas fitores 2-1 ditën e sotme ndaj Kukësit.
