Tetori, në të gjithë botën është muaji i ndërgjegjësimit për zbulimin e hershëm të kancerit të gjirit. “Fundjavë Ndryshe”, së bashku me vullnetarët e Fakultetit të Mjekësisë dhe me qendrën shëndetësore Zall Bastar, i’u janë gjendur pranë grave të fshatrave të kësaj zone me rastin e muajit për ndërgjegjësimin kundër kancerit të gjirit.
Muaji Tetor në është muaji i ndërgjegjësimit për kancerin e gjirit, për të rritur vëmendjen dhe mbështetjen për sensibilizimin, zbulimin e hershëm, trajtimin, si dhe kujdesin për këtë sëmundje.
Kanceri i gjirit është kanceri më i zakonshëm i grave në mbarë botën, si në vendet e zhvilluara dhe vendet në zhvillim. Kjo rritje në vitet e fundit është për shkak të rritjes së jetëgjatësisë, rritjes së urbanizimit dhe mënyrave jo të shëndetshme të jetesës.