Testimi elektronik, Celibashi: Po humbasim kohë, të përshpejtohet procesi

Kreu i Komisionit Qendror të Zgjedhjeve, Ilirjan Celibashi ishte ditën e sotme në njësinë numër 10 në Tiranë, ku është testuar procesi i votimit elektronik, që sipas tij, sjell lehtësi dhe besueshmëri në proces.

Gjatë një prononcimi të shkurtër për mediat, Celibashi foli për vonesat e pritshme pas ankimimit të disa forcave politike në KAS të vendimit të Komisionerit Shtetëror për fletën e votimit.

Ai u shpreh se nuk e kishte pritur gjithë këtë kundërshti dhe se në këtë moment më e rëndësishme është koha.

Ilirjan Celibashi:Nuk prisja që të kishte kundërshti kaq të mëdha për fletën e votimit, palët duhet ta kuptojnë se e rëndësishme është që të mos humbasim në shumë kohë. Çdo ditë që humbasim natyrshëm ndikon në proces. Shpresoj që KAS të vendosë sot.. do të uroja të kishte një konsensus mbi vendimarrkjen e KAS për ndryshe do humbasim disa ditë të tjera dhe nëse partitë do ta ankimojnë në Kolegj gjej rastin që pa cënuar ta shqyrtojnë sa më parë të mundshme.”