Tërmeti i fuqishëm 7,3 ballësh në afërsi të qytetit Halepçe ka shkaktuar një numër të lartë të personave që kanë humbur jetën dhe të plagosurve. Është rritur në 407 numri i të vdekurve në provincën Kermanshah në perëndim të Iranit.
Zëvendësdrejtori i Organizatës Kombëtare për Menaxhimin e Krizave, Behnam Saidi, duke folur në televizionin shtetëror të Iranit, tha se numri i të vdekurve është rritur në 407, kurse ai i të plagosurve në gjashtë mijë e 700.
Nga ana tjetër, drejtori i organizatës së njëjtë, Ismail Nexhar, tha se diametri i gjerë i shkatërrimeve është duke ndikuar negativisht në aktivitetet e kërkim-shpëtimit, transmeton aa.
“Dëmet më të mëdha janë shkaktuar në fshatrat në Kasri Shirin dhe Serpulzihab. Diametri i gjerë i shkatërrimeve është duke ndikuar negativisht në aktivitetet e kërkim-shpëtimit, ndërsa kjo gjë ka shkaktuar kritika nga një pjesë e popullatës”, tha Nexhar.
