Një tërmet ka tronditur Italinë ditën e sotme në orët e para të mëngjesit.
Sipas mediave të shtetit fqinj, tërmeti ishte i një magnitude prej 4.1 ballësh në shkallë Rihter. Epiqendra e tij ishte 19 km larg rajonit të Catanzaros dhe kishte një thellësi prej 2 km.
Nuk raportohet të ketë pasur dëme por mësohet se autoritetet në Albi, Pentone, Magisano e Zagari kanë mbyllur shkollat. Lëkundja 4.1 ballë u shoqërua edhe me lëkundje të tjera më të vogla me magnitudë 2-3 Rihter.
