Ambasadori i BE-së, Luigi Soreca, deklaron se Bashkimi Evropian dhe organizmat ndërkombëtarë gjenden pranë shqiptarëve në këto momente të vështira.
Në një prononcim për News24, Soreca tha se BE ka dërguar 50 inxhinierë në Shqipëri, teksa shton se ata janë në solidaritet me popullin shqiptar.
“Ne jemi këtu për të treguar mbështetjen dhe solidaritetin tonë. Është koha që qytetarët shqiptarë ta kuptojnë se po bëhet gjithçka për ta në terren. Jemi një ekip prej 50 inxhinierësh që janë në Durrës dhe në zona të tjera të vendit të prekura nga tërmeti. Inxhinierët do të vlerësojnë dëmet dhe më pas do jepen vlerësimet. Qytetarët shqiptarë duhet të kuptojnë se cilat janë banesa të sigurta e cilat jo”, tha ai.
