Korça vazhdon të tronditet nga tërmetet e shumta, ku mëngjesin e sotëm janë regjistruar edhe tre lëkundje të tjera. Brenda 30 orëve në këtë zonë janë regjistruar 68 tërmete, ku më i forti arriti 5.3 ballë të shkallës rihter.
IGJEUM ka regjistruar tre goditjet e datës 3, që nisën qe pas mesnate, ndërkohë që të tjera u shënua në orën 03:06. Goditja e fundit ka qenë e fortë me magnitudë 3.9.
35 prej lëkundjeve në total u ndjenë në gjithë rajonin e Korçës, ndërsa tërmeti më i fortë arriti 5.3 të shkallës rihter.
Ndërkohë që 184 është numri i banesave të dëmtuara, 60% e të cilave të pabanuara, u evidentuan nga ministria e Mbrojtjes pas tërmeteve që prekën Korçën.
Fshatrat më të prekura janë Floqi, Qafëzezi dhe Vidohova. Qindra familje kaluan natën në çadrat e ngritura nga Ushtria, mes të ftohtit dhe reshjeve të shiut në kushte tepër të vështira
