Një tërmet i fuqishëm me magnitudë 7.6 që goditi Meksikën perëndimore, ka vrarë të paktën një person.
Lëkundjet e tërmetit u ndjenë më 19 shtator, e cila është e njëjta datë me dy tërmetet e tjera fatale në vend. Në 1985 dhe 2017 dy tërmetet e tjera vranë mijëra njerëz.
“Kjo është një rastësi”, se ky është tërmeti i tretë i 19 shtatorit, tha sizmologu i Shërbimit Gjeologjik të SHBA, Paul Earle. “Nuk ka asnjë arsye fizike apo paragjykim statistikor ndaj tërmeteve në çdo muaj të caktuar në Meksikë”.
As nuk ka stinë apo muaj për tërmete të mëdha askund në glob, tha Earle. Por ka një gjë të parashikueshme: njerëzit kërkojnë dhe ndonjëherë gjejnë rastësi që duken si modele.
“Ne e dinim se do ta merrnim këtë pyetje sapo të ndodhte”, tha Earle. “Ndonjëherë ka thjesht rastësi”.
