Kryeministri Edi Rama deklaroi në mbledhjen e Komitetit të Rindërtimit se pas kësaj fatkeqësie natyrore, sigurimi i banesave duhet të bëhet me detyrim.
Inxhinierja Luljeta Bozo propozoi sot në këtë mbledhje që edhe individët duhet të japin fonde për rindërtimin e banesave të tyre.
Kreu i qeverisë iu kundërpërgjigj duke i thënë se nuk dakordësohet me këtë propozim, por qartësoi se kjo është hera e fundit që shteti paguan për ta.
“S’u kërkojmë dot njerëzve që duhet të paguajmë, por duhet ta bëjmë të qartë që kjo është hera e fundit. Sigurimi të bëhet i detyrueshëm”, deklaroi kryeministri Rama.
