Tërmeti 6.4 ballë i mëngjesit të sotëm ka tronditur mbarë vendin dhe deri tashmë numri i viktimave ka arritur në 13.
Lëkundjet e tij janë ndjerë edhe në Itali, Serbi e Kosovë.
Për tërmetin më të fuqishëm të 30 viteve në vendin tonë kanë shkruar edhe mediat botërore.
“The Guardian” shkruan se nga ky tërmet kanë humbur jetën të paktën 6 persona dhe 300 të tjerë janë plagosur.
“Një nga viktimat në Durrës ishte një grua e moshuar që arriti të shpëtonte nipin duke e mbrojtur me trupin e saj”, shkruhet ndër të tjera.
“BBC” shkruan se tërmeti shkatërroi ndërtesat duke zënë poshtë shumë persona.
Gjithashtu, shton se lëkundjet e tij kanë arritur të ndjehen deri në Itali, Serbi e Kosovë.
“DW” shkruan se ky është tërmeti më i fuqishëm që ka goditur vendin në dekada dhe se shumë persona kanë humbur jetën pasi kanë mbetur të zënë në ndërtesat e rrëzuara.
