Shqipëria sot u zgjua nga një tërmet me magnitudë 4.1 ballë, me epiqendër detin Adriatik, 27 km në veri të Durrësit. Deri më tani, nuk ka të dhëna për të lënduar apo dëme materiale, por lëkundjet e tokës kanë shkaktuar panik në njerëz.
Por, sipas sizmologut, Edmond Dushi lëkundjet sizmike si ato të mëngjesit të sotëm, janë të zakonshme dhe nuk ka nevojë për panik.
Ai u shpreh se relaksimi tektonik i tokës, do të dojë shumë kohë pas tërmetit të 26 nëntorit të vitit të kaluar.
“Relaksimi tektonik i tokës do të dojë kohë të gjatë. Këto tërmete çojnë dhe tërmetet të moderuar. Është një zonë e konsiderueshme në kuptimin e tektonikave. Ky tërmet në zonën lokale patjetër që është ndjerë. Është pak i cekët në raport me pasgoditjet. Është një tërmet i moderuar dhe është vijimi i asaj që ka startur në 26 nëntor të 2019. Mund të ketë dhe shpërthime të kësaj energjie, por smund ta përcaktojmë ku do jetë e rradhës, as kohën dhe as epiqendrën e saj. Ska nevojë për panik te qytetarët, se janë lëkundje të zakonshme”, tha Dushi në ”Report Tv”.
