Nevoja për marrjen e masave për të përballuar situatën kaotike që shkaktoi tërmeti i 26 nëntorit, ka bërë që të pësohen ndryshime në buxhetin e shtetit 2020.
Ndryshimet kryesore kanë të bëjnë me krijimin e fondit të rindërtimit. Ky fond parashikohet të jetë 20 miliardë lekë, nga të cilat 13 miliardë lekë janë borxh i buxhetit të shtetit dhe 7 miliardë lekë nga donatorët.
“Ky fond mund të rritet gjatë vitit në rast se rriten donacionet dhe për këtë arsye do të reflektohet nga të ardhurat nga grantet sot dhe në shpenzimet brenda fondit. Në projektbuxhetin 2020 parashikohet të shtohet edhe një fond prej 1.2 mld lekësh për bonusin e qirasë në mënyrë që të garantohet strehim për familjet që kanë humbur banesat i cili do të gjenerohet nga reduktimi në të njëjtën masë i disa shpenzimeve pa prekur fondin e rindërtimit”, tha Ahmetaj.
