Sot po mbahet mbledhja e tretë e Komitetit Kombëtar të Rindërtimit.
Gjatë fjalës së mbajtur, ministri i Rindërtimit Arben Ahmetaj njoftoi se në fillim të muajit prill do të fillojë procesi i rindërtimit në qytetet e prekura nga tërmeti i 26 nëntorit, ku do të ketë ndërtime masive në territor. Ndërsa në zonat rurale pritet nisë më herët.
Po ashtu, ka publikuar dhe shumën financiare që është mbledhur deri tani.
“Brenda janarit duhet të kemi draftin përfundimtar që kur të jemi duke diskutuar dhe duke iu afruar datës së Konferencës së Donatorëve të kemi draftin final. Deri dje, janë rreth 65 milionë lekë. Durrësi ka nevojë për promovim në të gjitha aspektet, por edhe Lezha, Laçi dhe Tirana. Pastrimi i territorit është i rëndësishëm, Durrësi dhe Tirana janë pastruar krejtësisht, Thumana ka përfunduar. Për shkak të ndryshimit të procedurave të përshpejtuar, janë 1020 leje për rikonstruksion.
Të gjitha bashkitë kanë filluar procesin. Hapat e rindërtimit janë shumë të rëndësishme. Fillimi i prillit të jetë fillim i ndërtimit masiv në territor, ndërsa në zonat rurale të jetë gati dy muaj më përpara. Ta kthejmë në detyrim të gjithë transparencën, çfarë donatorësh ka dhe ku do të shkojë çdo lekë deri te familjet. Këtë duhet të bëjnë të gjitha organizatat. Pjesa shtetërore do të menaxhohet institucionet shtetërore, ndërsa për të tjerat do të jetë vullnetare, por unë besoj se duhet të kthehet në moto“, tha Ahmetaj.
