Një tërmet me magnitudë 5.7 i shkallës Richter ka tronditur provincën Bingol, në lindje të Turqisë, duke shkaktuar edhe rrëzimin e një kulle vrojtimi ushtarake.
Ministri i Brendshëm, Suleyman Soylu, ka njoftuar se tre ushtarakë kanë mbetur të plagosur. Një nga ushtarakët kishte ngecur nën rrënojat e kullës, ndërsa dy të tjerët kanë marrë lëndime të lehta.
Epiqendra e tërmetit ishte në rrethin Karliova të provincës Bingol. Thellësia e tërmetit 5 kilometra, ndërsa lëkundjet që nisën në orën 17:24, zgjatën 10 sekonda.
Ministri i Mjedisit dhe Urbanizimit, Murat Kurum, bëri me dije faktin se deri më tani në zonë janë nisur ekipet e shpëtimit, ku do ndjekin nga afër të gjithë rastet e dëmtuara.
