Tërmeti që preku 3 muaj më parë fshatin Floq, në Korçë, la dhjetëra persona në qiell të hapur, pasi dëmtimet e banesave ishin të mëdha.
Shumë prej tyre vijojnë të jetojnë në ambientet e shkollës së fshatit, ndërsa disa të tjerë janë rikthyer në banesat e shkatërruara. Fax News sjell rastin e familjes Pelivani, e përbërë nga 6 anëtarë, të cilët shprehen se ndërtimi i banesave është selektiv dhe jo i drejtë.
Ata bëjnë apel për ndihmë, pasi thonë se janë në kushte te vështira qëndrimi në shkolla, dhe se gjendja shëndetësore rëndohet çdo ditë. Indinjimi i tyre ka ardhur pas rindërtimit të banesave të para, zgjedhje të cilat sipas tyre janë bërë në mënyrë selektive.
“Nuk është ndërhyrë në familjet e prekura por po ndihmohen ata që kanë nga dy banesa”, shprehen ata.
Aktualisht janë ndërtuar 5 banesat e para, ndërsa pritet të vijojë edhe rikonstruksioni i 40 banesave të tjera.
