Greqia është tronditur nga një tërmet i fuqishëm. Tërmeti me magnitudë 5.2 i shkallës Rihter ka goditur Greqinë mbrëmjen e djeshme, në orën 23:00. Epiqendra ka qenë në detin Jon, në jugperëndim të Patras. Tërmeti kishte një thellësi prej 10 km.
Raportohet se pas këtyre lëkundjeve sizimike të fuqishme, po në detin Jon ka rënë një tjetër tërmet. Lëkundjet sizmike me magnitudë 3.2 janë regjistruar në 03:40 të mëngjesit të sotëm, në jugperëndim të Patras, me një thellësi prej 2 km.
Banorët e Patras dhe zonave përreth kanë ndjerë lëkundjet e forta sizmike. Deri më tani nuk raportohet për persona të lënduar, apo dëme materiale.
