Ditën e sotme Stambolli është goditur nga një tërmet 5.8 ballë. Kështu ka njoftuar Drejtoria për Menaxhimin e Katastrofave dhe Emergjencave (AFAD), raporton Anadolly Agency. Shkollat dhe spitalet u evakuuan pas tërmetit. Siç thuhet në faqen zyrtare të të dhënave për tërmetet, epiqendra e tërmetit ishte 7 km e thellë.
Pak kohë pas tërmetit, në një konferencë për mediat, Presidenti Recep Tayyip Erdogan tha se janë deri tani 8 persona të plagosur. “Ka pasur 28 goditje deri më tani, situata mund të avancojë më tej”, tha ai.
Pas tronditjeve të fuqishme, qytetarët e Stambollit dolën në rrugë. Shkollat, spitalet dhe qendrat tregtare u evakuuan me urgjencë. Sinjali telefonik u ndërpre, qytetarët në Stamboll nuk mund të komunikonin me njëri-tjetrin, raporton “Hyrriet”. Pasgoditjet po vazhdojnë në qytet, ku ka panik të madh.Tërmeti u ndje në të gjithë qytetin e Stambollit dhe në Sakarya, Tekirdağ, Kocaeli, Yalova, Dcezce dhe Bilecik.
