Një tërmet i fortë nënujor tronditi Indonezinë qendrore të hënën por nuk u raportua dëme serioze, dhe fatmirësisht nuk ka paralajmërim për cunami. Shërbimi Gjeologjik i SHBA-së (USGS) tha se tërmeti me magnitudë 6.2 ishte përqendruar në një thellësi prej 10 kilometrash, në perëndim-veriperëndim të Luwuk, një qytet në provincën Qendrore Sulawesi.
Zyrtari indonezian i Agjencisë së Meteorologjisë dhe Gjeofizikës, Taufan Maulana tha se tërmeti u ndje në shumë pjesë të provincës por nuk kishte rrezik nga një cunami, shkruan PhysOrg.
“Ndjeva se dridhja ishte e fortë … njerëzit po vraponin nga shtëpitë e tyre,” tha Muhamed Rusli, një banor i qytetit Ampana. Ai tha se shumica e njerëzve u larguan nga frika dhe kishte një ndërprerje të energjisë pas tërmetit.
Indonezia, një arkipelag i gjerë me 271 milion banorë, goditet shpesh nga tërmete dhe shpërthime vullkanike për shkak të vendndodhjes së saj në “Unazën e Zjarrit”, një hark vullkanesh dhe shkëputjesh tektonike në Pellgun e Paqësorit.
Në janar, një tërmet me magnitudë 6.2 shkaktoi të paktën 105 njerëz, 6,500 të plagosur dhe më shumë se 92,000 banorë u zhvendosën në provincën Sulawesi Perëndimore.
