Kryeministri Edi Rama ka shprehur vlerësimet dhe mirënjohjen e tij për stafin e materniteteve.
Krahas një videoje shpërndarë në “Facebook” ku shfaqet ministrja e Shëndetësisë Ogerta Manastirliu me mjekët e maternitetit, kryeministri Rama shkruan ndër të tjera se kur të gjithë vraponin të dilnin jashtë për shkak të tërmetit, këto gra rendën drejt inkubatorëve të bebeve të porsalindura.
“MIRËMËNGJES
dhe me mirënjohjen e thellë, për këto gra të jashtëzakonshme, të cilat kur tundej toka nga tërmeti e të gjithë vraponin të dilnin jashtë nga shtëpitë, dyqanet, restorantet e çdo vend i mbyllur ku i gjeti goditja e frikshme sizmike, rendën drejt inkubatorëve të bebeve të porsalindura dhe shtretërve tē nënave lehona e të grave shtatzëna, ju uroj një ditë mbarë’, shkruan Rama.
https://www.facebook.com/edirama.al/videos/447575402770649/?t=1
