Tërmetet ‘nuk i ndahen’ Greqisë, regjistrohet tjetër lëkundje sizmike

Greqia nuk gjen qetësi nga lëkundjet sizmike edhe pse kanë kaluar disa ditë nga goditja kryesore me magnitudë 6.3 ballë.

Mediat në vendin fqinj, bëjnë me dije se një tërmet me magnitudë 4.1 të shkallës Rihter goditi pasditen e sotme sërish Elasonën.

Lëkundja e regjistruar në orën 17:09, kishte një thellësi 7 km, me epiqendër 16 km në jugperëndim të Elasonës.

Ndërkohë, edhe ditën e djeshme u regjistrua një tërmet me magnitudë 5.3 të shkallës Rihter, në jugperëndim të Elassonas. Lëkundjet sizmike janë ndjerë edhe në juglindje të Shqipërisë

Rajoni i Elassonas është goditur nga tërmete të fuqishme brenda disa ditësh, ndërsa shkencëtarët janë të shqetësuar për këtë fenomen.

Ata janë alarmuar për sekuencën e fortë sizmike, pasi, sipas tyre, në thelb është një “surprizë”, pasi aktivizimi i tërmetit në atë zonë me magnitudë të lartë ishte i papritur.