Rama ofroi të vaksinonte mjekët kosovarë, vjen përgjigja e ministrit Zemaj

Ministri në detyrë i Shëndetësisë, Armend Zemaj, ka refuzuar ofertën e kryeministrit Edi Rama, i cili një natë më parë i bëri ftesë Kosovës për të vaksinuar bluzat e bardha në Kukës.

I pyetur për ofertën e kryeministrit Rama, Zemaj nuk ka dhënë një përgjigje konktrete, por është shprehur se Kosova ka planin e saj të vaksinimit, duke refuzuar me diplomaci këtë ftesë.

“Prioritet është vaksinimi i kuadrit shëndetësor, kur dihet përkushtimi i tyre dhe vdekja e mjekëve dhe infermierëve duke trajtuar virusin. Ne kemi plan të hartuar si do të zhvillohet vaksinimi, prioritet janë kuadri shëndetësor.”, tha ai.

Mbrëmjen e djeshme, në aeroportin e Rinasit mbërriten 38.400 dozat e vaksinës anti-covid të prodhuar nga kompania Astrazeneca.

Ndërkohë, pritet që në muajin prill të mbërrijnë 60 mijë doza të tjera nga Astrazeneca dhe 30 mijë nga Pfizer.