Inspektorati Shtetëror i Mbikëqyrjes së Tregut ka njoftuar banorët se nuk duhet të përdorin ashensorin deri në njoftim të dytë. Me qëllim që të shmanget çdo incident i mundshëm që mund të sjellë pasoja fatale.
“Përdorues të ashensorëve/Banor/Administator/Persona Përgjegjës, nisur nga situata e krijuar dhe dëmet e shkaktuara prej lëkundjeve të forta sizmike të datës 26 Nëntor, lutemi të merrni masat për mospërdorimin e ashensorëve deri në një njoftim të dytë.
Kjo është për sigurinë e jetës për Ju dhe familjet tuaja”, thuhet në njoftim.
Deri më tani mësohet se 16 persona kanë humbur jetën në Thumanë, Durrës dhe Lezhë, ndërsa rreth 600 të tjerë janë lënduar. Ata kanë marrë trajtim në spital, si pasojë e dëmtimeve nga tërmeti që u shënua në orët e para të mëngjesit.
