Lëkundje të forta kanë mbërthyer Italinë, duke pasuar tërmetin e fortë që shkundi ishullin Kos në Greqi dhe preku edhe Turqinë.
Një tërmet me magnitudë 4.2 është regjistruar në orën 4:13 minuta mes provincës së Rieti, L’Aquila dhe Teramo. Sipas Institutit italian të sismiologjisë, tërmeti e ka pasur epiqendrën në një thellësi 14 km. Epiqendra ka qenë 3 km nga Campotosto (Aquila), 8 km nga Amatrice (Rieti) dhe 12 nga Crognaleto (Teramo).
Sipas të dhënave të fundit ende nuk ka raportime për njerëz të lënduar, ndërkohë që pritet të bëhet edhe një bilanc nëse ka apo jo dëme materiale.
Pikërisht rreth një vit më parë, komuna e Amatrices u godit nga një tërmet me magnitudë 6,2 ballë të shkallës Rihter duke shkaktuar vdekjen e të paktën 300 personave dhe shkatërrimin e disa fshatrave përreth.
