Një deklaratë e kreut të Bashkisë së Tiranës, Erion Veliaj ka shkaktuar revoltim te banorët e Astirit, të cilët kundërshtojnë prishjen e banesave të tyre.
Erion Veliaj foli dje në mbledhjen e Këshillit Bashkiak të Tiranës, ku përmendi edhe fjalën «shpellarë», teksa iu kundërvu keq me akuza Lulzim Bashës dhe të djathtëve.
Si pasojë, banorët e Astirit dogjën dje flamurin e PS-së dhe iu vërsulën Veliajt. Ky i fundit ka sqaruar me anë të një postimi në Facebook, se quajti shpellarë deputetët e PD-së dhe jo banorët, ndërsa shton se shpronësimet do të bëhen 100%.
Kujtojmë se deklarata e Veliajt shkaktoi reagime të shumta edhe nga personalitetet politike.
Sqarimi i plotë i Veliajt:
Sqarim:
– Shpellarë quajta deputetët e Saliut, që i sulen barbarisht zonjave police të bashkisë! S’i quaj dot deputetë këta prehistorikë!
– Saliu i vrau me plumba në mish në Bulevard, le më t’i lejonte te dera.
– Shpronësimet 100%, edhe pse shumica janë lloto, lavazhe e 8 kate pa leje.
