Tërheqja e kryeministrit Edi Rama nga zgjedhjet për bashkinë e Kavajës që do të mbaheshin ditën e nesërme dhe kur opozita kishte paralajmëruar protesta të dhunshme, duket se iu ka prishur axhendën aleatëve të kreut të Partisë Demokratike, Lulzim Basha.
Nënkryetari i Partisë Agrare Ambientaliste Uran Metko, përmes një statusi në Facebook, ka ironizuar, vendimin e kryeministrit Rama, duke thënë se “Ma prishi axhenden Rama, e kisha lene fund javen per Kavaje!Zdi cfar te bej tani?”.
Megjithëse kreu i selisë blu, Lulzim Basha e cilësoi këtë një fitore të të gjithë qytetarëve dhe aleatëve të tij, duke shmangur një përplasje të dhunshme midis militantëve të forcave politike, nënkryetari i Partisë Agrare Ambientaliste, Uran Metko e ka marrë me shumë sportivitet këtë zhvillim politik. Përkundër, seriozitetit që përpiqet të tregojë kreu i opozitës.
Uran Metko ka mbajtur më parë postin e kreut të Partisë Demokratike për njësinë 3 në Tiranë. Pas dorëheqjes nga ky post iu bashkua Partisë Agrare Ambientaliste, kur në Kongresin e Kombëtar të vitit të kaluar u zgjodh nënkryetar i kësaj force politike.
Postimi i Uran Metkos në Facebook:
