Pak çaste më parë janë sekuestruar 500 kg lëndë narkotike të llojit kanabis në Fushë Dukaj në afërsi të Tepelenës. Aksioni është ndërmarrë nga Policia e Gjirokastrës, ndërsa bëhet me dije se një person është arrestuar dhe një tjetër është shpallur në kërkim.
Për këtë është arrestuar shtetasi Zeman Kordha, ndërsa identiteti i të shpallurit në kërkim nuk bëhet me dije. Sipas burimeve të para mësohet se droga i përket prodhimit të vitit 2016, por kjo është ende e pakonfirmuar. Policia e Gjirokastrës vijon punën për dokumentimin e plotë të këtij rasti.
