Dy shqiptarë janë arrestuar nga policia e DI.AS Group në Athinë pasi akuzohen për vjedhje, mosbindje të policisë, armëmbajtje pa leje dhe trafik droge.
Sipas policisë greke të Athinës, dy shqiptarët të moshave 30 dhe 37 vjeç, identiteti i të cilëve nuk bëhet ende i ditur po udhëtonin me një makinë të vjedhur, ndërkaq ata refuzuan të ndalonin pas sinjalit të policisë për kontroll. Menjëherë pas kësaj, shqiptaret shtuan shpejtësinë duke u përpjekur për tu larguar por pa rezultat pasi u kapen nga policia.
Gjatë kontrollit të ushtruar tek 30-vjeçari shqiptar policia gjeti një armë të mbushur me fishekë si dhe një krehër me 12 fishekë, si dhe një tjetër armë, revolver me gjashtë fishekë brenda dhe krehër me 18 fishekë. Ndërsa 37-vjeçarit iu gjet dhe konfiskua një sasi droge prej 5 gram kokainë si dhe një thikë.
Më pas, nga hetimi rezultoi se 37-vjeçari ka qenë person i dënuar me 20 vjet burg për tentativë vrasje dhe vjedhje, kurse shqiptari tjetër nuk kishte dokumente qëndrimi për në Greqi.
