Burrë e grua janë pushkatuar në Korenë e Veriut, pasi u kapën në tentativë për t’u larguar nga vendi.
“Daily Mail” raporton se çifti i cili ishte rreth të 50-tave, po përpiqeshin të largoheshin dhe ta dërgonin nipin e tyre tek prindërit në Korenë e Jugut.
Por ata janë kapur nga skuadra e pushkatimit, pasi vendi ndodhet nën izolim për shkak të koronavirusi dhe hyrjet e daljet nga vendi janë të ndaluara.
Pasi u torturuan për të treguar planet e tyre, burri dhe gruaja u pushkatuan pa gjyq. Ndërsa i mituri që ishte djali i vëllait të vogël të gruas, shpëtoi nga pushkatimi për shkak të moshës.
Kujtojmë se për shkak të masave kufizuese të vendosura në këtë vend, Britania e Madhe vendosi që të mbyllë ambasadën në kryeqytetin e Koresë.
