Protesta e mbështetësve të opozitës para Kuvendit ka nisur e tensionuar. Në momentin që disa deputetë dhe ministra kanë hyrë në Parlament, ka pasur incidente dhe përplasje të vogla mes simpatizantëve të PD-LSI nga njëra anë, si dhe policisë në krahun tjetër.
Në përpjekje për të mos lejuar futjen ne sallë të përfaqësuesve të mazhorancës, protestuesit kanë tentuar të qëllojnë ministrin Blendi Klosi.
Ministri Klosi u sulmua nga disa protestues të mbledhur përpara godinës së Parlamentit.
Forcat e policisë ndërhynë për të ndaluar protestuesit, dhe për të lejuar z.Klosi që të hynte në Parlament.
