Zbardhen detaje të reja nga shoqërimi i Vladimir Gjutës disa momente më parë në polici.
Bëhet me dije se ai ka tentuar të futet me forcë në selinë e PS, gjatë kohës që po mbahej mbledhja e kryesisë së kësaj partie. Gjuta është neutralizuar nga Garda, deri në momentin kur kanë mbërritur policët dhe e kanë shoqëruar në komisariat.
Dëshmitarët e pranishëm thonë se Gjuta ka qenë i armatosur në ato momente. Sipas Top Channel, Gjuta pas ndalimit ka thënë se ndodhej aty për një transaksion financiar. Ndërsa, bashkë me pistoletën Gjutës i janë kapur edhe 120.000 euro.
“E mbaja pistoletën pasi do të ktheja në lekë shumën e eurove”, mësohet të ketë thënë ai.
